2025 01 21_DEIA NdG eta DdNNav_ Itxaropen hari bat

_________ Itxaropen hari bat

Su-etena Gazan, orain bai. Joan den igandean, 15 hilabete izugarrikeria ezabaezinaren ondoren, Israelek eta Hamasek lortutako akordioa indarrean sartu zen. Hala ere, egun berean, aurreikusitako ordutegi-atzerapena aitzakitzat harturik, Israelgo armadak zerrenda bonbardatzen jarraitu zuen, 15 zibil gazatar erahilez jada sinatutako tregoa ospatzen ari zirela. Nolanahi ere, lehen hiru bahitu israeldarrak askatu dituzte dagoeneko, baita 90 preso palestinarrak ere kontrapartida gisa. Tropa armatuak Rafahko pasabidetik erretiratu dira ere, nondik, pixkanaka-pixkanaka igarotzen ari dira zuela aste pila mugan atxikita zeuden laguntza humanitarioko kamioi-ilarak. Horra hor ere Nethanyahu gobernuaren dimititu diren ministroak bonbardaketei berriro ekiteko exijituz, ez dute nahi palestinar bizirik bakar bat ere, kriminalak... Datu batzuk: NBEk egindako azterketen arabera, 165.000 eraikin inguru suntsitu dira Gaza zerrendan, hau da, guztizkoaren % 66a; azken zifra ofizialek baieztzaten dute 47.500 hildako baino gehiago izan direla -haien arteko % 40 adingabeak-; baina, hondakinen azpian desagertutakoen kopurua zenbatzeko zain, 70.000 ingurukoa izango litzateke benetako zifra. Tipo zital hoientzat israeldar bahituak beraiek, kulpa ororen errugabe, albo-kalte hutsak dira, onartzeko eta gustura ordaintzeko moduko faktura odoltsua. Beraz, ez naiz batere baikorra… Sinatu dena ozta-ozta zabaltzen da hilabete batzuetara, fase bakoitzean bete beharreko baldintza zehatzakin, zeinen baloraketa norbaiten subjektibotasunaren mende egongo da, indartsuenarena, hau da, Israel. Jakina, ez dut Hamas ahazten ere, ezinbesteko agentea zibilen heriotzan, israeldarrak zein palestinarrak. Ez, ez naiz baikorra baina disimulatu saiatzen naiz. Gazako biztanleentzako laguntza humanitarioa premiazkoa delako, gazatarren bizitza babestu eta haien bizilekua -planetako desplazatuen kanpamendurik handiena bihurtua- berreraikitzea bermatu behar delako.

Su-etena indarrean Gazan, itxaropen hari bat. Eutsi diezaiogun.

2024 01 12 DEIA, DdNNav eta NdG_

________ Elefante nagusia

Hau bai dela gero eta maizago entzuten den esaera: elefantea gelan. Metafora moderno moduko bihurturik, nahita saihesten edo isildu egiten den ezagutza publiko- eta orokorreko egi deseroso bat deskribatzeko erabiltzen den, ezjakintasunaren ondorioz edota haien aurre egiteak ekar ditzakeen ondorioen beldurrez. Gaur egun, imajina dezakegun gela bakoitzean elefante ezberdin bat dago baina oso gutxi dira identifika ditzakegunak, zeinek diren dakigunak, soilik haien izen-abizenak entzunez. Ezagunena? Elon Musk, nabarmen. Izan ere, munduko gizonik aberatsena da, enpresa estrategiko eta eraginkorrenetako batzuen jabea. Sare sozialen egitura ahaltsua ere darabil, zeinen garroak gai dira planetako txokorik pentsaezinenetara iristeko. Donald Trump-en konfiantzazko gizon bihurtuta, gustura jokatu du nonahiko agitatzailearen rola azken bi hilabeteotan, bere babesle histrionikoa den Etxe Zurira ofizialki itzuliarekin izango den nazioarteko asaldaketa aurreratuz akaso. Trump/Musk aliantza ez da garrantzirik gabeko gaia, bata- eta bestearen harropuzkeriak ezin dira zentzugabekeria- edo hutsaltzat hartu, bion benetako helburua bakoitzako aberastasun pertsonala infinituraino biderkatzea baita. Lortu ahal izateko boterea edukitzea eta zabaltzea behar dute: lurralde-hedapena, milioiak pilatzen jarraitzeko, eta hedapen politikoa, haien nagusitasun eta kontrol irrikan interferentziak eta zailtasunak saihesteko. Eta bai, horretan ari dira, beren asmoak zeinek diren batere disimulatu gabe eta ultraeskuinaren eskutik, aproposako manporrari edo komodina. Diruaren boterea eta dirua boterearen zerbitzura, lasterbide- eta aurkakotasunik gabe, horra paradoxa: gelan mugitzen garen bakoitzean elefantea saihestuz, gero eta botere handiagoa ematen diogu. Eta bera hazi eta hazi egiten da, eroso eta axolagabe, dena bete arte, dena kontrolatu arte.

Denok ikusteko moduan, Muskek, elefante nagusia, azaroko hauteskunde presidentzialetatik hona bere aberastasuna bikoiztu egin du $ 440.000 miliora iritsiz. Artista…

2025 01 07_DEIA, DdNNav eta NdG_Agindutako Lurraldea 💔💔

______ Agindutako Lurraldea

Atzo, egutegia eskura, Gabonetako garai honen azken eguna ospatzen zen. Epifania, fededunentzat, beste batzuentzat soilik Errege Magoen etorrera -gastatu beharreko diruakin edo dirurik gabe baina denok opari-paperak eralgiz- eta gainerakoentzat, jai-astelehen ezin hobea. Nolanahi ere, gaur eta horrela, fantasiazko hiru pertsonaia Belenera iritsi zirenetik 2.000 urte pasata, haur jaio berri judu eta arras pobrea bati jauresteko ospakizuntzea benetan paradoxikoa iruditzen zait. Berri Onen garaia dugu, bai, Jainko-haurra atari batean jaio da, aleluia! Zelako historiaren imintzio groteskoa... Ze hor bertan, edota oso-oso gertu -berdin dio Judea, Belen edota Jerusalem- beste haurrak jaiotzen ari baitira, halaber pobreak, etxegabeak, jazarriak... Jaio eta hil egiten dira, ezinbestean. Israeleko bonbardaketeen ondorioz, hiritan, errefuxiatuen-guneetan, etxe-, eskole- eta ospitaleetako hondakinen azpian zanpatuak, inanizioak edo deshidratazioak hilak, gosez... eta orain ere hotzez. Izan ere, horrela erabaki du gizatasun aztarnarik gabeko satrapa batek, nola edo hala lortzeko prest gainera, mugarik ez. Datu gisa: Eguberri egunetik astebeteko epean 7 haur hil dira hotzak jota, Gaza hegoaldeko Khan Yunis hiriko ospitaleak baieztatu duenez. Baina, eta ospitalera iristeko aukerarik ez dutenak. Horra hor Israelek "seguru- eta humanitariotzat" jotzen duen Al Mawasiko errefuxiatu-gunea erabat urpeturik, kanpadendak suntsitutak, berreskuraezinak, aterperik ez… Hotzak dardarka ari diren haurrak erakusten diguten bideo-irudiek, arropa eskasarekin jantziak, guztiz blai, arima izozten didate. Baina hotzak haiek hiltzen ditu. Nazio Batuen Errefuxiatu Agentziak baieztatu duenez, Gazako zerrendarekin mugan burusiez, abrigo-arropaz eta mota guztietako laguntzaz beterik kamioak daude. Ezin dute pasa, Israelek eta haren sarraski-estrategiak galarazi egiten dute. Aspalditik, argiro, Gazan bizi ari dana ez da gerla bat, benetako genozidioa baizik.

Agindutako Lurraldean erahildako haurrak. Doilorrak...

    

Aurten ere... Jakes, 7 urte ❤️❤️❤️

Aurten ere...

Llegar a este mundo de locos es siempre una aventura arriesgada, que nacer no es sólo ver la luz o darla. Ese trozo de vida, piel arrugada y rasgos sin definir, que alguien deposita un día amorosamente en tus brazos por primera vez, que te mira sin ver y aferra la perfección de sus dedos al tuyo es, sencillamente, un milagro. Algo tan pequeño y que suponemos frágil es, sin embargo, enorme y fuerte, lo que más, lo que más… amazona o guerrero, tus raíces, sus alas…

No había Reyes ni Magos de Oriente esperando hace 7 años en el portal que le tocó en suerte pero yo, de ser él, no me preocuparía. Que hasta donde alcanza la mirada añosa de su amona, ésta sólo percibe amor del bueno, que no de sobra. Porque el amor nunca, nunca, está de más. Ni se equivoca. Y anda que no es guapo el puñetero...

Nere bikingoa...

Amodiotan blai ni

Gure Jakes, zazpi urte...

Bizia...

2024 12 31_DEIA DdNN eta NdG_Urtezahar... URTE BERRI ON!

 

_________ Urtezahar

Abenduaren 31a, kolore guztien laburpenen txanda. Oso-oso zaila da izenburu gutxitan mugatzea 2024 zahar honek eman duena, gorabeheraz betetako urtea, bai. Hau ez da, beraz, laburpen bat, 4 gogoeta pertsonalak besterik ez:

1/ Sirian, Bachar Al Asad diktadorearen erorketarekin, gerra amaitu berria da. Hori bai, 13 urteko agoniaren ondoren. Oraindik zutik dauden beste bi gerrarako -Errusia/Ukraina, Israel/Palestina- zantzu txarra, zeinek Putin eta Netanyahu buruzagi zitalen interes estrategiko eta espantsionisten ondorioa besterik ez baitira jadanik: biek zibilak sarraskitzen eta eskolak, ospitaleak eta errefuxiatuen esparruak zigorgabetasun osoz bonbardatzen jarraitzen dute, munduko gainerako pasibotasun konplizearen aurrean.

2/ 51 gizon zigorturik izan dira Frantzian etengabeko bortxaketagatik, 20 urte zigorra senarrari eta urte gutxiago gainerakoei. Izan zen izugarrikeria ezagutua, oso merke atera egin diela iruditzen zait. Dena den, hori guztien gainetik, Gisèle Pélicot biktimak erakutsi dituen eskuzabaltasuna eta duintasuna, hitzarik ez... Ezta ere Espainian hilketa matxisten egoera definitzeko -46 emakume eta 8 adingabe erahil 2024an- bistan denez, funtzionatzen ez duen sistema baten babespean.

3/ DANA izan eta bi hilabetera -223 hildako eta oraindik 3 desagertu- kaltetuen artean utziera-sentsazioa areagotzen ari da. Horra hor politika zintzoaren porrotaren frogarik argiena: Mazon presidentea, hura babesten duen PP-rekin batera, lotsaren estrategia.

4/ Puntu hau etxekoekin zuzenki lotuta dago, emoziotan blai. Erbesteko Eusko Jaurlaritzaren egoitza izan zen eraikina -Paris, Avenue Marceau 11- berreskuratzeaz ari naiz, gure aurretik izan zirenentzako oroitzapen hunkigarri batekin, beti JELpean: Ia 80 urte bidegabe konfiskatu eta gero, Espainiako Gobernuak, egungo okupatzailea, izan zen latrozinioa onartzen du. Lehen pauso emanda, ba zen garaia…

Ba bai, erronka zahar- eta berriekin, 2025a lanez gainezka dator. Lehenengo momentutik beraz eta guzti-guztioi... URTE BERRI ON!