2023 07 11_DEIA, DdNNav eta NdG_Nagore, 15 urte... ❤❤❤

 

_________ Nagore

2008az geroztik, Iruñean, uztailaren 7an, ez dugu San Fermin gogorarazten soilik, ‘Nafarroako Unibertsitatea’ Klinikan praktiketan zegoen 20 urteko erizaintzako ikasle bat ere, Nagore Laffage Casasola. Festa gau hartan, ezagun batekin topo egin zuen, klinika berean azken urteko mediku egoiliarra. Elkarrekin abiatu ziren mutilaren apartamentura. Bertan, erahil zuen. Lehenik kolpeka txikitu, gero eskuekin ito, gorpua kotxean sartu eta, azkenik, areka batean bota zuen trapu zahar bat balitz bezala. Lagun bati deitu zion laguntza eskatuz, poliziari salatu zuen honek. Ordu batzuk geroago atxilotu zuten gurasoen etxean. Era berean, beste guraso batzuek haien alabaren heriotzaren berri jaso zuten Irunen. Hiltzaileak, José Diego Yllanes Viscay, joaten utzi ahal izan zuen Nagore ezetz esan zioenean, ez zuen egin. Bera hiltzea nahiago izan zuen, ez dezagun ahaztu. Egin ez dezala bere ama andereak ere, 15 urteotan Laffage familiarekiko ezta gizatasun keinurik txikiren bat helarazi ez duen emakume harroputza horrek. Harentzat, biktima bat -hiltzailea, bere semea- eta defendatu beharreko helburu bat -familia statusa- besterik ez zeuden. Beraz, horri irmo eman zion. Epaiketako saio batean oso argi utzi zuen, bere burua erretratatuz: Ezin dut onartu nire semeak neska hori besterik gabe ito zuela. Hau da, arrazoiren bat egonez gero -bere familiaren izen ona eta primerako semearen etorkizuna arriskuan jartzea, adibidez- Nagore erahiltzea -hau neska arrunta, ezta?- onar dezake. Bada, nere desideratuma: bere bizitzako egun guztiak trabatu dakizkiola, ez dezala bare-bare lo egin, arnasa hartzea ere mingarri bihurtuko diezaiola, bere semea -nahiz eta sententzian gizeraile aldarrikatu- benetako hiltzailea delako. Eta berak primeran daki hazi zuen 'apartako' tipoa doilor eta koldar hutsa dela. Nolako zura, ama, halako ezpala.

Laffage Casasola' Nagore, 15 urteurrena. Muxu bat, nere... beti gure bihotzean. 

Lux Aeterna.

❤

*Uztailaren 10 lehen egunotan, 6 emakume erailik. 2023ko utean zehar, 27. 

  Terrorismo matxista.**

   

San Fermin 2023_LESAKA_Zubigaineko Dantza 🔴🔴🔴

En Lesaka, en la que llamamos Beheko Plaza, junto al río Onin y sobre sus dos pretiles, los ezpatadantzarik ejecutan la espectacular ZUBIGAINEKO DANTZA, que sólo se baila una vez al año, el día San Fermín, día grande de las fiestas. Conmemorando la paz que firmaron los barrios lesakarrak de Legarrea y Pikuzelaia en el siglo XV, casi nada...

Ikaragarria...

Que bailar es soñar con los pies...

  

(📷Isidro Etxeberria)

2023 07 04_DEIA, DdNNav eta NdeGipuzkoa_Eusko Tour-a... eta BI 🚵🚴

_______ Eusko Tour-a

 Txirrinda- eta txirrindularitzarekiko maitasunak txikitatik inguratu eta lagundu nau, gu guztioi bezala segurazki. Izan ere, Euskadi eta Nafarroa, antzinatik, profesional handien sorleku dira eta, batez ere, zaletasun txirrindulari onenetako bat dugulako. Beraz, ez ditut ulertzerik, Tour de France bezalako nazioarteko goi mailako kirol-ekitaldi baten hasiera -3.500 milioi ikusleko audientzia potentzialaz- Euskadin egitearen kontra izan ziren kritikak. Ze duela bi urte, 2023ko Tour-eko lehen hiru etapak hemen ospatuko zirela iragarri zenean, betikoen ahotsak, betiko kontsignak heliaraziz, entzun ziren Hor dago hemeroteka: Erakunde traidoreak, politikari konnibenteak eta denok diruari saldutakoak, ohi bezala. Eta tira, orain hor dabiltza betiko horiek kalean gora eta behera, zapi horiaz eta ikurrinaz txukun apaindurik argazki baten bila, kritikarik ez jada, hipokritak... txirrindularien pasabideari iltzeak botatzen egon diren 'borrokalarien' maila berean bere burua kokatuz. Besteak oso argi genuen orduan, 2023ko Tour-a Bilbon hasten bazen, hurrengo etapak Gasteizen eta Amorebietan, gero Irundik pasatzen ere Baionako helmugara iristeko, ginenok izaten jarraituko genuela: gu geu, konplexurik gabeko euskaldunok. Kontrakoa, ergelkeria izateaz gain, nortasun propioa hautsitako jostailu bihurtzerik uztea da. Beraz, harrotasun handia izan da gure herrietako balkoi-, kale- eta errepideetan, pelotona igaro baino ordu batzuk lehenago, milaka ikurriña aske astintzen ikustea. Edo bisitarien eta txirrindularien harrera- eta agurrezko txapeletan. Baita Ertzaintzaren uniformeetan ere. Izan ere, azken garai honetako giro nahasi eta gogorra ikusita, oso gutxi ezagutu behar dira haiek eta oso gaizki maitatzea, gure ertzainek ez zutela aurre egingo edota ordezkatzen duten erakundea- eta gizartearen mailan egongo ez zirela pentsatu ahal izateko.

Lau haizetara mezu argi zabaldu duen gizarte berak: gure ikurriñak eta nortasunak ez dute photo finish beharrik podiuma egiteko. Izan zirelako, gara.

🟢🚴❤️  🟢🚴❤️  🟢🚴❤️