2024 07 16_ DEIA, DdNN eta NdG_Argazki bat 🔵🔴 🔵🔴

 

_________ Argazki bat

Ea ba… 48 ordu besterik ez dira igaro eta berataz diote dagoeneko ikonikoa dela, premonitorioa ere, historikotzat hartzea denboraren poderioz etorriko da akaso. Hala ere, irudi batek mila hitzek baino gehiago balio duela esatea nahiko izango litzateke kasu honetan. Tira, testuingurua: Joan den larunbatean Pennsylvanian izandako magnizidio saiakerari dagokionez ezagutzen dugun ehunka argazkiz ari naiz, eta haietako bat besterik ez gertatu zena maisuki adierazteko eta, aldi berean, azaroaren 5eko hauteskunde presidenzialerarte ikusten joango garen guztia laburbiltzeko gai dela, Evan Vucci fotokazetariak sinatutako argazkia, hain zuzen. Goi-goian, AEBko bandera, zeru urdin bizi baten kontra astintzen; Trump irudiaren erdian, aupari, ukabila gora eta odola masailean, zerbitzu sekretuko kideek babestuta beste agente batzuek, oso begitarte serio-, betaurreko eta traje beltzakin, ingurukoa begiratzen duten bitartean. 

Errealitateari zuzenki lotuta ez balego, estreinatzeke pelikula baten kalitate handiko fotograma batekin erraz nahas liteke. Ba ez. Huts egindako magnizidioaren ondorioz, bi zaurituez gain, beste bi zibil hil dira, bata mitinean zegoen eta bestea frankotiratzailea zen, doitasun erdiautomatikoko fusil batekin armatutako 20 urteko mutil bat – seguru asko AEBko armak edukitzearen permisibitate kriminalaren beste biktima bat- bertan hilda. Beraz, lehenengo eta behin, gertatutakoren gaitzespena eta gero, oroigarri bat, alferrikakoa agian baina beti beharrezkoa: indarkeria inoiz ez da erantzuna; ezta probokazioa ere, aitzakia. Zeren denok jakin arren Trump ez dela arrotza jokabide edota ekintza bortitzak bultzatzea edo justifikatzea, gaur biktima bera da. Primeran daki…

Nolanahi ere, Vucciren argazkiak Trump geldiezin baten garaipena argi isladatzen duela diote, indar eta lidergo falta duen Biden baten aurrean, gero eta presidentetza gutxiago hautagai bat. Baina azaroko hauteskunde-hitzordura arte geratzen diren hiru hilabete eskasetan oraindik asko dago ikusteke. Paradoxikoki.

                              

2024 07 09_DEIA, DdNN eta NdG_Hitzik ez

 

_____ Hitzik falta

Youssef El Mahmoudi, ekainaren 23tik Loiuko aireportuko Ezonartuen Gelan atxikita zegoen ikasle sahararra, ez da momentuz Marokora deportatuko. Azkenik, joan den larunbatean, Bilboko guardiako epaitegi batek aske utzi zuen. Nolanahi ere, bere egoera araugabekoa da oraindik: Gobernuari egindako asilo-eskaera ukatu egin zen, baita Auzitegi Nazionalari eskatutako kautela-neurri guztiak ere, orain aberrigabearen estatusaren ematearen zain dago. Giza Eskubideen aldeko Zehar-Errefuxiatuekin erakundeak, duela 25 urte baino gehiagotik Euskadin erreferente dena, mordoilo burokratiko eta judizial hori primeran ezagutzen du ze, hurrengo erasora iritsi arte iraun dezakeela jakin arren, haien azken garaipena baita. Dagoeneko arreta erakartzen ez duena da Espainiako Gobernuak espedienteak kudeatzen dituen berezitasuna babes-eskatzailea sahararra bada, hau da, oztopoak jarriz edo ezetz erantzunez.

Diodana da Pedro Sanchezek Marokori emandako amore ematea, 'Sahara marokoar' tesiarekin lerrokatuz, Gobernuko jarrera ofiziala dela; garrantzitsoa iruditzen zaidala haren ministro baten esku-hartze zuzena eta publikoa, Espainian El Mahmoudi behin-behinean sartzeko baimena exijituz arrazoi humanitarioengatik; espero dudala Ministerio Fiskalak Bilboko epailearen autoa ez errekurritzea, zuzenean Marokoko espetxe batean amaitzeko arriskuan, horixe gertatu zitzaiona Hussein Amadour izeneko beste unibertsitate-ikasle bati, 2019an deportatutakoa; eta azkenik, Grande-Marlaska Barne Ministroaz ari naizela bereziki, Auzitegi Nazionaleko magistratu izanez, 2014ko uztailak 4a datako Auto batean besteak beste, espresiki zera aipatu zuena: “Nazio Batuen ebazpenen eta Nazioarteko Zuzenbidearen arabera, Espainiak Mendebaldeko Sahararen potentzia administratzailea izaten jarraitzen du”. Saharar kausaren egia historiko- eta juridikoari nahita eta jakinaren gainean bizkarra ematen dionari haren togaren duintasuna salduz, esaidazue orain nola deitu dezakedan...

Lehen epaile, orain epaile eta parte. Hitzik falta.

2024 07 02_DEIA, NdG eta DdNN_Itun nagusia 🔵🔵 🔴🔴

 

 ________ Itun nagusia

Haren agintaldia 5 urte iraungita, Botere Judizialaren Kontseilu Nagusia berritzeko PSOE eta PPren arteko ustekabeko ituna joan den asteko albiste nagusia izan zen. Dena den, ez du deus berritzat ze sozialistak eta popularrak BJKNa bera sortu zenetik eserlekuak haien artean banatzen ari dira, prozedura parlamentarioa izapide hutsa besterik ez da. Agidanez, gaitzespenak eta salaketa inpostatuak gurutzatzeak ez zien jada joko gehiagorik ematen. Beraz, itunaren ordua iritsi da. Betikoa. Eta oraingoan epe guztiak gainditu badituzte, egia esan, ondo baliatu dituzte liskar politikoa eta salaketa interesatuak, etenik ez duen jarrera lotsagabe batean: hitzarmena sinatu arren, sinatutakoa bere erara sartu eta zehaztu egiten du bakoitzak, besteak ukatu egiten duen bitartean. Nioena: BJKNa berritzeko akordioari buruz hitzegiten zen soilik eta bat-batean dena isilarazi zuen albiste batek zabaldu zen. Joan den asteburuan, 24 orduko epean soilik, terrorismo matxistak eraildako 4 emakume eta 2 adingabe egon dira, guztira 19 eta 9, hurrenez hurren, 2024an. Iazko uztaila 8 emakume erailekin bukatu zen. Honako hau aztertzeko, orduko Berdintasun ministroak krisi-batzorde delakorako deialdia egin zuen, Gaur, ministro andere berri batek krisi batzorde bera deitu du. Helburu berrituekin? Ez dirudi. Bitartean, egiaztaturik dagoena -udaran hilketa matxistak areagotzen direla- egi bihurtuko da berriro aurten ere. Hau inpotenzia... Ze biktimek zenbakiak ez diren, gogor kolpatzen gaituen errealitatea baizik. Komunitate gisa txikiagotzen gara, gizatasuna galtzen dugu, hilketa matxista berri bakoitzakin. Hala ere, ziur nago PSOEk eta PPk, era guztietako presioak saihestuz, interesatzen zaiena eta komeni zaien momentuan hitzartzeko gai izanik, ez daudela akordioa saiatzeke ere orain.

Lan-mahai bati dei egiteaz eta indarkeria matxista desagerrarazteko estatu-itun bat sinatu arte lekutik ez altxatzeaz ari naiz. Arrazoi gutxi dago gehiago merezi duenik. Baina hain premiazkoa izan dadila, ezta bat bera ere.

🔵🔵 🔴🔴