2024 04 23_DEIA, DdNN eta NdG_Jokoa ba zegoen...

 

_________ Jokoa ba zegoen…

Ba bai, jokoa ba zegoen. Eta kanpoko egoiliarren botoak zenbakitzeke badaude ere, XIII. Legegintzaldi-zelaira jauzi egin behar duten jokalariak 75 dira guztira, 25 lurralde bakoitzeko, horien artetik Eusko Jaurlaritzako hurrengo lehendakaria aterako da. Orain emaitzak baloratzeko garaia da. Eta indar politiko guztiek -Elkarrekin_Podemos izan ezik, gure panorama parlamentariotik desagertua- neurri batean edo bestean zerbait ospatzeko dutela baiezta daiteke. Baina denon artean bakar batek, EAJk beste behin, Euskadiren etorkizun hurbila gidatzeko deia jaso du. Harro egoteko arrazoia da, zalantzarik gabe, baina, aldi berean, errealitate- eta umiltasunaren sendabide bat ere, erdibana. Alde batetik, EAJk gobernu bat osatzeko beste batzuk behar dituelako, ondo ba.

Eta, bestetik, zenbakiak hor daudelako, direnak dira: behin ere, ezker subiranistaren garaipena -orain horrela deitzen da- Gipuzkoan ukaezina da; Araban -kolore askotako taula, non lehen indarra izatea guztion kontua izan den urteetan eta hauteskundeetan zehar, non eserleku bat lortzea nabarmen merkeagoa den- aurreko hauteskunde erkidegoekin alderatuta lortutako emaitzak bi gehiago ematen dizkio EH-Bilduri jeltzaleen kontura; eta bai, EAJk gogor eutsi dio Bizkaian, bidean eserleku bat utzi eta bildutarrek 2 irabazi arren. Bai, EH-Bilduk lortutako emaitza historikoa izan da, baina ez da nahikoa izan. Hona hemen haientzako errealitate- eta umiltasunaren sendabide propioa, ez baitirudite ezagutzeko prest daudenik. Gainditu gabeko irakasgaia, beraz. Beste bat gehiago… 

Tira, azken egun hauetan oso argi geratu da berriro ere, euskal gizartearekin duten zorra ezin dutela alde batera utzi eta berandu baino lehen kitatu behar dutela: haien iraganari ausardiaz begiratu eta horren arabera jokatu. Izan ere, Sortuk -EH Bildu koalizioaren nagusi- ezin du legitimoki gure nazioaren eraikuntza, gure seme-alaben etorkizuna gidatzeko asmoak euki, armairuan gordetako hildakorekin.

Jokoa ba zegoen, bai. Eta hurrengoa hasteko prest dago. Goazen!

🔴⭕🟢

2024 04 22_Balas de plata_Montiel de Arnáiz ❤❤❤

 

❤❤❤

2024 04 16_DEIA, DdNN eta NdG_Jokoa ba dago...

________ Jokoa ba dago

Kanpainaren azken egunetan gaude, konfrontazioa areagotzeko eta azeleragailua gogor zapaltzeko ohitura dagoen azken aste horretan. Ba, ez dut gogoratzen holako azken txanpa batean, egun benetan erabakigarriak, hain sasoirik falta, zelako paradoxa... Bi hitzetan: ezpatak goialdean daude oraindik, jokoa ba dago. Hori guztiaz pentsatzen arituz, duela egun batzuk, Iñaki Gonzálezek sinatutako artikulu batean honako irudi adiezgarriarekin topo egin nuen: EAJren aurkako pentapartito bat. Klabau! Horra hor bost hauteskunde-orkestrako zuzendari, instrumentuak fintzen eta arkatzak zorrozten, lehendakari Urkullu, EAJ, buru izan duen azken hamarkadan Eusko Jaurlaritzaren kudeaketa bermatzen duten egiak, zehaztasuna, gertaerak eta datu objektiboak pentagramatik ezabatzeko. Izan ere, azken hiru legegintzaldietan eurekin soinez soin gobernatu dutenek, orain kudeatzaile txarrak izatea leporatzen diete jeltzaleei. Hori, defendaezina izateaz gain, barregarria da. Are gehiago, haien Madrilgo buruek, egun batean bai eta hurrengoan ere bai, kontrakoa esaten dutenean. Tira, Sanchez presidentea bera Euskadin paseatzen ari da PSEren lehendakarigaia babesteko asmorekin eta Feijóori buruz besterik ez du mintzatzen, Espainia da benetan garrantzitsua dena, gainerako indar politikoentzat ere. Hau da, Euskadi versus Espainia eztabaida honetan, nahiz eta kanpainetako leloak ezberdinak izan, guzti-guztiek helburu bera partekatzen dute: hauteskundeak ez irabaztea baizik eta, eskuindarra, neoliberala, ustela, lapurra edo dena batera izateagatik, EAJ Eusko Jaularitzatik botatzea.  Beno, denak ez, EH-Bilduk ez du behar holako kanpaina egiterik, denen artean berea egiten ari zaizkiolako, neurrira irabazle-jantzi bat josiz. Eta horra hor bere lehendakarigaia, ixila, eta Otegi gertu irribarre batekin eskuadratik errematatuz. Benetan, ahalegin gutxiegi da pentapartito batentzat.

Imanol Pradales, kamiseta izerditan, aurreruntz etengabeko martxan darrai. Jokoa ba dago, zalantzarik ez. Eta irabazi egingo dugu.

2024 04 04 09_DEIA, DdNN eta NdG_Kolore guztietakoak 🔴⭕🔴

_______ Kolore guztietakoak

Kanpainan gaude dagoeneko, denok apirilak 21ean izango den finala jokatzeko deituak. Hauteskunde-jokoaren lehen egun hauetan, zelaira salto egin bezain laster, kamiseta oraindik izerditu gabe, talde ezberdinak profila propioa markatzen ari dira: batzuk Madrilgo Moncloa’s Kopa -haientzako partidu garrantzitsua dena- begiratzen ari dira, 21A.ko lehia izapide hutsa besterik ez da; beste batzuek, 'Euskadi-Espainia' partidu bat balitz bezala, bai edo bai jokatu behar izaten dute, martxaren gainean elastiko-kolorez aldatu beharturik; badira beste batzuk, muturreko populismoak -eskuindar zein ezkertarrak-, zeruei edo infernuei zuzenki erasotzeko prest daudena, tira ba, auzo-lotsa eta txartel gorria; eta horra hor ere lehenengo minututik finalera lehiatzera irten direnak, nahiz eta aldez aurretik penaltiak jaurtitzeko deituak izango direla jakin -hori esaten jarraitzen dira enkestak- eta hauteskundeetako irabazlea, kopa altxatuko duen taldea erabakiko da. Zenbaiten ustez, batzuek eta besteek, denek salbuespenik gabe, jokaleku bera zapaltzen dute, nik ez dut hori hain argi ikusten. Ez naiz ari hauteskundeetan parte hartzeko duen legitimitateaz, jakina. Ez zait iruditzen denak jokabide berbera erakusten dutenik, hau da, Euskaditik eta Euskadirako ideien, proiektuen eta programen eztabaidari ekitea. Egia esan, batzuek, zuzenean, beren burua baztertzen dutela, alde batera egiten direla edota besteren koloredun kamisetak janzten dituztela sentitzen dut. Bakoitzak erabaki dezala nor den nor. Koloreez arituz…

Sevillatik Bilbora Mallorcatik pasatikan, bizi garen egunak zuri-gorriak dira, erabat. Txuriurdin honek txapelduna agurtzen du, baita irabazle izan zena ere nahiz eta partidua galdu. Ze hauteskunde garai honetarako nahi nituzkeen nik giroa, adiskidetasuna, bestearen errekonozimendua, jokoan garbitasuna eta, bereziki, zer garen eta nor ordezkatzen dugun jakiteko harrotasuna, hau da, Athletic eta Mallorcako familiek eskaini zigutena, berdegunean eta handik kanpo. Benetako garaipena.

🔴⭕🔴